Adelaide-ah Sailova Rawngbawlna

29/06/2010 15:35

By Gloria-i Pa, Adelaide

Pathian khawngaihna zarah Adelaide lama Sailova rawngbawlna pawh a tla tha hle a, ama hla phuah ngei hmangin mipui za rual hmaah duh tawka Pathian an’ fak tak tak chu Pu Valtea tawngkam hawh lawk ila, ‘Adelaide-ah Sailova a chheih’ a ni ber mai. June 23 – 27 thleng kha Chin Christian Fellowship ah rawngbawlna a tan a; inkhawm pawh kan thahnemin Mizo tawng hre tha thum lo te pawn a thusawi chu ngaihnawm ti awm fahran hian an bu nghat nghat mai a. Mahse, mak ang reng tak chu “Mizo tawng hre map lo zawng kha ban han phar teh u” tia Pulpit tlang atang an’ ngen meuh chuan, lu bu nghat nghata sermon ngaithlaho thenkhat chu ban an rawn phar chhuak leh nawlh mai thin kha a ni.

Tuntum Sailova khualzinna tur kawng engkima buaipuitu Pi Zami ( Australia-ah kum sawmli chuang meuh khawsa tawh ) pawhin mittui seng meuhvin, Australia rama tlang mite thlarau vakvai tur a vei zia thu chu mipui hmaah a sawi lawm lawm a. Chu chu tun tuma Sailova a koh chhan pawh hi a nih thu a sawi bawk. Pi Zami hian Mizo tawng pawh thiam tawh mang lo mahse kan hnam leh thlarau bo te tana a thahnemngaihna hi a ropui a ni.

Sailova hian June 29 – July 4 thleng khian Falam Chriatian Fellowship ah rawngbawlna chhunzawm turin a inpuahchah mek bawk a. Tunlai khawvel hun chheng chhia leh inpawngnekna karah hian tuipui ral atang hetianga Chanchin tha rawn vahvaihpuitu kan nei hi nihlawh kan inti tak zet a ni. Sailova rawngbawlna tan hian theihtawpin i tawngtaipui zel ang u.

Thulakna: Zo International

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

”Because
MizoMizo Kan Nih Kan Lawm E