A hunlai kha chuan hla lar tak leh sak hlawh tak a ni ve thin. A hla hi sak a nuam a,lung a tileng riau mai.A hla-thu hman (dan) te pawh hi a tha riau mai.
CHHURA AIUM
- Hlunthuama
Hmasang Chhura,Bura zingzin chuan,
Aium hmeh a chhunrawlah pir tun-
Tuna hming hre si lovin tuah rel ve ta e,
Thin laiah a vawng reng e,aium,aium,Ai-
(nalah tlu ta e)
Um zawng ruai e; lei lai e hmu zo lovin¸thinur tum ta viau viau
(sawi thei lovin)
Lai khualzin tur kan lo tawng thiam ta e,
“Thiana, min zawnpui rawh,” ‘Zeihme si,
Na thlau, na kawl leng mang?’ ti’n a han zawt a
A mawl mange, a mawl mange, sawi thiam si lovin;
“Ka hriatin nanga zawnpui ka ngai na’ng,”
I nam mang e, Aium rim ha! ha! ha! Lawmin kal ta vang vang e.
Zaiin kan awi khuarei chang mah se,
Lawmin kan zai dial dial e, la, la;
La, la, la, la, la, la, la, Chhura thinlung, lung,
A hrang ber e, hrang ber e, Pi pu chhing zotu;
Nau ang awih nuam ing e hmakhaw Chhura,
Thai-ngam lova, A-bera’n aium hawnin a thai a hrilh dun dun.