Climate Change Council din

21/06/2010 23:30

Mizoram sorkar chuan sik leh sa, boruak inthlak danglam chak lutuk chungchang en zuia a tul anga hma la turin June ni 17 khan chief minister kaihhruai Climate Change Council a din.

CCC-ah hian member-ah minister 5 lai ruat an ni a, chungte chu - rural development minister R.Lalzirliana, PHE minister S.Hiato, revenue minister JH Rothuama, forest minister H.Rohluna leh transport minister PC Zoram Sangliana te an ni.

Heng minister-te bakah hian State Planning Board-a vice chairman Lalkhama, IAS (retd) leh official atangin chief secretary, principal secretary (PHE), secretary (E&F), secretary (RD) leh Secretary (Horticulture) te an tel a. Member secretary-ah Planning & Programme Implementation changtu principal secretary chu ruat a ni bawk.

Climate Change Council hnuaiah hian chief secretary kaihhruai turin Executive Council din a ni bawk a, Member Secretary-ah planning department hnuai, science & technology wing-a principal scientific officer chu ruat a ni bawk. Executive Council-ah hian official atangin member 6 an awm bawk a ni.

Thulakna: The Zozam Times

Back