MIZORAMA BUDDHIST TEMPLE LEH NGAIHDAN THENKHATTE

30/06/2010 00:16

Facebook lam leh khawchhak Groupmail thenkhatah Zotui Thiang-in Mizorma Buddhist Temple sak chungchang , David Hruaia’s Wall in Facebook ami a thehdarh / ngaihdan a lakna leh comment-te hi lo thlir ve chhin mah teh u. In ngaihdan leh hmuhdan pawh han thawh ve liam liam ula mawle...Ed.

Original Article :-

MIZORAM-AH BUDDHIST TEMPLE...

Bhudhist Temple “Nirvan Shuk” Mizoramah sa mek.  Upa C.Lalhmunmawia, Chawngte chuan Budhist Temple “Nirvan Shuk” chu Bangladesh ramri atanga 5 Km vela hla Mizoram lam Uiphum tlang thengthaw laiah sain chak taka hma lak a nih thu Missionary Tlangau ah a ziak. Bangladesh atangin Chakma Budhist Puithiam “Bante’ an tih chu Nikum October th...la vel khan lokalin he hna hi a rawn thawk a ni.

Bante chuan Chakma hote chu Sakhaw ngaihsak lo, eiru nasaah puangin thil dang tamtak pawh a puang a. Thusawi a thiam si a, Chakma hote thinlung chu a hneh hle a ni awm e.
Nirvan Shuk hi Mizo tawng chuan ‘Hahchawlhna tlang tihna a ni mai awm e. Nirvan chu Kristian ten Vanram kan tih hi a ni mai. Chakma hote chuan Bangladesh ramri hungna a Compensation an hmuh atangte leh NREGS an thawhna atangtein an neih ang ang Nirvan Shuk sak nan hian an thawh a. Nuai 10, 5, 3 , 1 etc te an pe khawm ruih ruih mai a, tunah hian Rs nuai 100 aia tam daih an hmu tawh a ni awm e. A kalkawng leh a hmun laihna leh a tula hman atan JCB 1, Truck 2 leh Car 1 an lei tawh a. Kalkawng laih hi hnatlangin an bei mup mup mai a, nikhatah mi 1000 te an hnatlang thin a ni awm e.

 An temple sak hi a dung 110 ft, a vang 40 ft a ni. Hei hi tuna Bangladesh-a awm an Puithiam lal ber kum 96 mi awmna tur a ni a. An sak zawh hunah Helicopter-in a lokal dawn a ni. Hemi sakna hmun atanga 1 Km velah tuna hma la mektu puithiam awmna tur hi sak mek bawk a ni. He hna atan hian Committee dinin Chakma District Council hruaitute ... See Morekaihhruainaa hma lak a ni.

He Puithiam hi Chakma hovin an hlauh avang leh a hnen atanga Malsawmna dawn an beisei avangin a car atanga a chhuk te pawh a rahna turah puan te an phah a. A kalna turah hrui var te zamin in tinah a malsawmna an dawn theih nan an zam lut a. Kristian lo ni tawhte leh Kohhran hruaitu thenkhatte pawh helamah hian an pakai a ni awm e.

MIZOTE NGAIHDAN LAKNA !!!???

Tunah hian Mizoram chhung - Bangladesh ramri atanga 5 Km vela hla Mizoram lam Uiphum tlang thengthaw laiah Chakma-hovin Buddhist Temple an sa mek a,chak taka hma lak a ni.

An hnam mawl zual lai ( Mission field kan luhchilh lai ) khan, a hnam puma Kristianah kan seng lut zo lo kha chu pawi tak a ni. Tunah chuan
phengphehlepa khua a tlai ta. Mizoram hi 100% Kristian kan ni tawh lo chiang! Nih kan la duh  talh chuan, he chakma bial te hi, Tripura State-ah pe daih ila kan him  phian lawng maw ?????

Groupmail Comments : -

*"Nirvan chu Kristian ten Vanram kan tih hi a ni mai. " tih lai tak hi....kei chu..."Nirvan chu Kristian ten Vanram kan tih ang hi a ni mai." ka ti zawk ang. Vanram chu Vanram a ni a. Nirvan chu Nirvan a ni.
Chuti a nih loh vek pawhin,"Nirvan chu an Vanram a ni" ti tal ila, thikthu a chawk tho lo deuh ang, keima lamah chuan..............engpawhnisela, he thuziak hian thikthu a chawk tho hrim hrim. – Vanlalvena (jedidvena@gmail.com)

 

* he thu hi ka lo chhiar ve a rilru chu a nuam lo duh khawp mai.

Buddhist temple an sak tur chu Mizoram huang chhungah ngei hian a vela awm (Chakma ho) ten temple chu an rawn sa a ni ta a, an puithiam lalber a awm dawn  bawk si a,,,eng pawh nise kan Lalpa Chhandamtu Krista pawhin a ma rawng chu a rawn bawl ve mai ang...heng Chakma ho bakah an puithiam lalber chawp chawpin Krista ah an piangther vek lo ang tih tunge sawi thei...Lalpa'n heng mi te hi chhandam a duh vangin  Mizoram chhungah a rawn hruai lut zawk pawh a ni tur a sin. Lalpa'n kan tih tur lian tak chu kan bul ngeiah a rawn chhawp chhuak a ni mai. Kristian in ti te hian thusawi zawnga (pastor,upa,thawktu, etc......) rawngbawl tu ah kan tan loh pawhin kan nungchang , kan awm dan leh Krista hnung zuitu tha nih tum tlatna te nen tal hian chuan kan Lalpa rawng hi i lo bawl ve zel teh ang u khai. Mahatma Gandi (ka spell dik lo maithei) khan "Kristian te hi Krista zirtirna ang hian lo awm vek se chuan India pawh hi Kristian ram a ni tawh tur" a lo tih thin tawh kha rilru ah i hre reng ang u. - http://mail.google.com/mail/images/cleardot.gifll sava (sava70@googlemail.com)

 

* E khai !
A mak thei ang reng hle mai. Chanchin thar chi hrang hrang kan hria a alawm awm e.
He thu a, "Nirvan" tih hi Kawl tawng chuan 'Neih ban' an tia, Sanscrit tawng atanga lo chhuak a nia, a awmzia chu, Vai tawnga 'Nai Bai' an tih nen inang a ni. Engmah awm tawh lohna tihna a ni.
Keini van ram nen chuan in ang lo tak a ni. Kan Van Ram ah chuan Pathian te, mithianghlim ho te an awm angin, Seol (Mei dil) te pawh a awm a, An ni Nirvan ah chuan Engmah hi a awm lo a ni awm e. A thra pawh a awm lova, a chhia pawh a awm hek lo. Chu chu Theology lam atanga chhuina chuan min zirtir dan a ni e. Engpawh ni se, Pathian kutah i hlan zawk ang u. Pu Vanlalvena rawn sawi ang hian Pathianin hna thawh tur mi siam sak ah i ngai mai ang u.- ibc Christie (christie.ibc969@gmail.com)

 

* Dear, Chhiartu zahawm rual zawng zawngte,

Lalpan malsawmin veng zel che u rawh se!!!

A va'n mak leh thin tak ngai ve le!! He thu ziak kan hmuh leh chhiar ang taka Zoram huam chhung ngeia Buddhist temple hi sak a nih ngai chuan kan Zoram hruaituten engtin ngai maw ka lo ti rilru a. Engpawh ni se, sawitu hmasate sawi angin Lalpan keini Kristiante hnenah sawi
duh leh min phut duh a nei ni berin ka hria. A hming maia kristianna leh Kristian chhungkua atanga piang nih a vang ngawta lungawi a hun tawh lo tihna a nih hmel! Tihmakmawh kan kovah Lalpan a nghat a ni ta ber zawk lo maw?

Tin, tih tak zelah chuan 'Nirvan' mai ni lovin "Nirvana" tih pawh
a ni bawk a. Sawi tak angin Kristian te 'Van Ram' nena khai khin chuan 'Thim leh Eng' ang vel a ni an in an loh dan chu. Van Ram chu Chatuan Khawpui a ni a, Nirvana chu engmah nih tawh lohna,
Nothingness tih a ni e!!!!!!!!!!!!!!!! Hawh u, kan Zoram tan hian lenkawlah ni thar, khawvar engmawi a her chhuah theih nan Lalpa hnenah tawngtaiin i dil zel ang u khai!!!!!!!!!!!! - Marvin Hril Lian (
marvinlian@gmail.com)

 

* Mizoram hruaitu tutute emawin vote an thahnemngaih vangin chakma ho an vulh a...tunah Autonomous District leh MP hial neiin an lo awm chho ta a..chumi rah zel chu a ni.An la buai zel ang.
Kan ramah ngei pawh Rohingja leh Rakhine an buai tan mai hi!! Mizoram hruaitu hmasa te khan hetiang tur hi thlir pha sela chuan... kan heti maiin ka ring lo.- Lalramlawma , Moscow  (truemizoboy@gmail.com)

 

* Lawma

Insum deuh rawh i tina lutuk deuh.

Mizoram atangin missionary mi eng emaw zat ram dangah kan tir chhuak a, Buhdish hovin zoram chhung ngeiah missionary mai ni tawh lovin Temple hial a rawn din ve leh ta chu a ni a, ngaihtuah tur a tam hle mai. He thil thleng hi tih tak a ni ngei ang a, Mizoram snyod hian a hre tawh em? Eng tianga hmalak nge a tum? A en liam mai mai dawn nge tihte pawh hi ngaihtuah ti tamtu a ni. – Zawma , UAE (lian.dova@gmail.com)

 

* Dear Zonun unaute u,
         Mizoram dung leh vang hi ka fang ve tawh ngai a, Mizoram lehkhathiamte'n "Mizoram mihring za ah za ( 100% ) Kristian kan ni an tih lai pawh khan, he chawngte leh a chhehvela cheng chakmamite hi Budhist sakhua bia an ni reng a sin. Mi thenkhat chu an pi leh pute atang tawha Budhist tawh an ni awm e. Kristian tlangaubua kan hmuh danin he chakma ramah hian Mission field an nei tawhin bu an lo khuar hle tawh awm e. Mi tam tak chu Kristianah an in let nual niin an sawi bawk.
         Mizorama ka khualzin thin lai khan, Tiau leh Champhai atanga Aizawl pan tura ka kal thin lai pawh khan, Kawl puithiam (  Phung Gyi ) ho bus-ah ka chuan pui nual tawh a, Chawngte lama kal tur niin an in sawi thin lehnghal a. Khang hun lai atang tawh khan  Mizoram tan sakhuana lamah ka thikthu a rukin a lo chhe deih tawh nia. Democaracy ram ngang hi an ni a, duh aiin an phalrai lua deuh niin ka hria. Englekhawle Mizoram chhung a la ni a, thuneihna sang tak an neih chhung hian Missionary a tam thei angber an tirh chhuah a, hma an lak a ngai tak meuh a ni. An Puithiam lalberin a awp chuan, Kristian nisa tawhte pawh an in let leh duai duai mai ang tih a hlauhawm hle. Entirnan - Tirhkoh Paula Mission field, Turkey ( tunlai tawng takin ) ram pawh kha Missionary an tirh chhunzawm zel loh vang nge, Muslim ramah a changta daih ang khan!  Sakhaw dang biate Missionary luh chungchangah an in humhalh ve deuh chu a ngai tawh a ni.
          Tin, Chakmamite hi Mizo hmel pawh an pu meuh lo ve, vai leh mizo inkara awm vai hmelpu mah mah ni berin ka hmu. Bangladesh ram leh Tripura State-ah an tam zawk niin an sawi bawk. Hnam mawl tak an ni a, Mizoram MLA ah mi pa hnih khat chu an tel ve thei tawk awm e. An tawng pawh hi Zohnahthlak tawng nen chuan chhim leh hmar ang ani a, an lehkha hawrawp ( Alphabet ) pawh vai lam rawngkai deuh tho a nih avangin, Mizoram chhunga ram zimte an neihah hian, an duh chuan an Temple chu sa ve ang hmiang. Ka thlirna atang chuan, ka tawte pawh a sai lem lo nia. Keini pawh Burma Budhist rama cheng kan ni chungin Biak in leh Temple nalh tak tak te kan la sak ve theih zel tho hi maw! ka ti mai a.
            An hnam mawl zual lai ( Mission field an luhchilh lai ) khan, a hnam puma Kristianah an seng lut zo lo kha chu pawi tak a ni. Tunah chuan phengphehlepa khua a tlai ta. Mizoram khian 100% Kristian an nih duh talh chuan, he chakma bial te hi, Tripura Stateah pe daih se an him phian lawng maw ????? _ Biakenga , Malaysia (nazaretenga@gmail.com)

 * kan vei tlang theuh zawng a ni ber e! Engkim chunga thu neia, thiltithei chu ni ila chuan kan sak tir lo theuhvin a rinawm hle zawng a ni e. A pawimawh ber nia lang ta chu (Kan) Zoram tan khuan khaw thar var sela, Zoram tana Enna, Khawvar hun thleng tura kan dil pui a ngai ta ni berin a lang!

 Keizawng ka dawnin ka ngai thin ram thatlai,Zamual liam tawh mahse, 'Vaimin fangkhat ei bil thi thi' tih hun lai kha,  Chhungtin, lawmlai lungduh 'D' te nena hlimlai par tlan ral muan ram kha,  An chang zove hlim laini do mual iangin,  A hrang hluan e bumtu lal lian Thangthar tawnah,
 Ka zawng vel e ka tawng si lo hahchawlh run sang,  Sakhming min sel "BURMAmi" tiin,
 Engtin kal zel ang che maw, Aw!.... kan ZORAM Lentupui mawi! Duhai ka sam thin kan Zoram tan hian, Nu-in fa a hmangaih anga huangkhata chenza leh kuangkhata luanza hun tur,
mahse.................

Lalpan engkim a ti theia, Lalpa kutah nghat vek ila, kan dam tlang mahna!!

Mangtha mawlh mawlh u! – Hrila ( marvinlian@gmail.com )

 

Facebook Comments :-

Relfela Sailo
"Kan ram em kan pek chuan a dik thei lo ang. Chakma hi awm ta lo pawh ni se Mizoram hi 100% Kristian kan ni tawh lo hrim2. Entirna'n Lalchhungkaw ho hian (ka hriat sual loh chuan) Isua hi an ring ve lo a, chu vangin Kristian an ni thei lo. Mizoram chhe te pawh hi hnamdang kutah a lut tur a ni lo Kan ram hloh tak zozaite a tam ta. Nei let leh tura kan beih a ngai zawk a ni"

Beckie Fanai
"keichu chakma ho kawl hi tul ka ti lo bon top top..nakina kan fate ho buai na tur mai mai"

Relfela Sailo
"Nia Chakma ho hi an sawi danin an pung chak khawp mai a. 'Tiang zela kan kal chuan thil pawi thei tak a ni. Kan tih theih chu an rilruah Mizona kan tuh thei a ni. Awmzia chu Mizo dik tak angah an inngai tur a ni a, keini lam paw'n kan ngai tur a ni. Kan thliar hrang zel a nih chuan an hlauhawm tawlh2 mai ang. Ti daih ila, birth control policy kan ... See Morekalpui mek hi a pawi em2 bawk. Mizo kan la tlem lutuk. Kan ram kan la thawl bawk si. Mihring maktaduai 1 lek hian hnam ropui an siam thei lo, vai ho chim ral tham lek kan la ni tlat. 'Tam kan tih hi a lo tam lo' an tih thin kha. Tamah kan inngai a, a nihna takah chuan kan tlem mah2 a ni"

Beckie Fanai
"mahse entikah mah an in ngai don si lo a...i va tan em em..i chakma ru deuh ani lo maw"

Relfela Sailo
"Hnawh bona tur kan hre si loa, ram kan pe phal bawk si lo a nih hi. Nia Mizote pawh India-in independence phal loa Indian anga min enkawl tak rengah chuan kan duh emaw duh lo emaw kan Indian chho mek chu a nia. A reng2 thuah Chakma hlau tur khawpa hnam nep kan ni hleinem. India sawrkarin hnam hnuaihnung kan nih anga min chawikan ang bawk hian kan chhehvela hnam hnuaihnung zawkte chungah pawh kan ti ve tur a ni"

 Website Comments : -

 Mizoram- Kristian ram inchhalna ram ngeia Budhist Temple (Muslim chu sawi loh) ding tura ruahmanna an han siam ringawt mai te hi keini Myanmar lama lo thlir tan chuan hriat thiam har kan ti.........Zoram mipui ten engtinnge ngaih ve le?????? – CL Thanga

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

”Because
MizoMizo Kan Nih Kan Lawm E