Kum 40 vel liam ta khan, zan khat chu pawngsual tawk hmeichhe pakhat hi damdawi lam zir Ehlers-i hnenah lo kalin, “ A hnuai lamah hian ha (teeh) lo awm sela chu aw...” a rawn ti.Chu hmeichhia khawngaihthlak tak hnenah chuan Ehlers-i chuan, “Ni khat khatah chuan nangmah anga midangte awm lo tura tanpui nan eng emaw ka la ti ngei ang,” tiin thu a lo tiam.Chutih hun lai chuan Ehlers-i chu kum 20 mi chauh a la ni.
South African Dr.Sonnet Ehlers-i’n pawngsual tawk hmeichhe khawngaihthlak tak hnena thu a tiam hnu, kum 40 a vei meuh chuan pawngsual laka invenna hmeichhe condom ha nei (female condom with ‘teeth’ to fight rape) a siamchhuak ta!He a thil siam leh tlangzarhna tur hian Dr.Sonnet Ehlers-i chuan a in leh car hial a hralh a ni!
He condom ha nei hi hmeichhia-in a thil-ah a vuah ang a, mipa-in a duhlo chung sual luih a tum chuan, a thun zawngin mipa thil chu condom ha chuan a lo tai ang a, a bet nghal bawk ang.Tin, mipa chuan na a ti hle ang a, chumi a beh chhung chu zung thei lo, kal thei lovin a awm ang a, doctor chauhin chu chu a phelh thei dawn a ni.
Dr.Sonnet Ehlers-i chuan he condom ha nei hi South African khawpui hrang hrangah a semchhuak mek a, World Cup hun chhung hian 30,000 chu a thlawna semchhuah a tum. Chumi hnu chuan he condom hi pakhat $2-a zawrh a ni ang.
Kimchang zawka hre duh tan –
https://edition.cnn.com/2010/WORLD/africa/06/20/south.africa.female.condom/index.html?hpt=C1