World Cup thunawi…

27/06/2010 22:14

* Kumin World Cup a hneh nei lo, point 1 lek hmu a tla ta France hi kum 1904 a FIFA dintu te zinga mi an ni a. Robert Guerin, French mi chu FIFA president hmasa ber a ni nghe nghe. FIFA World Cup a lo awm theihna atana sultutu pawimawh tak mai kum 1921 atanga 1954 chhunga FIFA President Jules Rimet-a kha French mi a ni bawk.

* World Cup-a a goal thun hmasa ber tu chu Lucient Laurent, France team a mi a ni a. Kum 1930 July 13 a Motevideo, Uruguay a Mexico nen an inkhelhin World Cup goal hmasa ber hi a thun a ni.

* Khawvel indopui avanga hun rei tak an chawlh hnu kum 1950- a World Cup tum 4 na an neih leh khan Brazil-in an thleng a. Hemi atang hian World Cup Trophy chu FIFA president lar tak Jules Rimet-a FIFA Presient kum 25 a nihna hriatreng nan Jules Rimet Trophy ti a thlak a ni. He World Cup atang hian FIFA chuan dan thar a siam a, FIFA in World Cup ke lawnga khelh a phal tawh loh avangin India pawh World Cup atangin a inhnukdawk nghe nghe a ni!

* World Cup Trophy(Jule Rimet Trophy) chu hun rei tak hman anih hnuin kum 1970 a Brazil vawi 3 World Cup a an Champion khan an nei hlen ta a ni.

* Jules Rimet Trophy Brazilin an neih hlen hnu khan tuna World Cup Trophy hman mek hi siamthar leh a ni a, he trophy thar hi Italian lungker thiam Silvio Gazzaniga siam a ni. Trophy thar siam anih hnua Champion hmasa ber chu Germany(1974) a ni.

Thulakna: Serchhip Times Daily

Back