Mizoram lam angin Kawlramah chuan School-ah mahni tawng kan zir ve thei lova.Thal-ah kohhran leh khawtlang buatsaih Thal Skul kan kal a, " A, Aw , B , Ch...." kan zir a. MYA Chapel, Mission Veng - Tahan-ah Pu Ramchhana'n min zirtir thin a, tlai lamah Tahan Theological College-ah Upa Lalena min zirtir bawk thin. A hunlai kha chuan uang tak chungin kan sa a, a chhan kha kan ngaituah lem lo.Tun hnu-a han ngaihtuah letin, a hla thatzia te, kan zirtirtute thahnemngaihzia leh min duhsakzia te, adt. a lo lang a.Lung a tileng hrim hrim bawk.
AIA UPATE ZAH THIAMIN
- Liandala
Aia upate zah thiamin,
An thute awhin zawm fo rawh;
Pipute Ro thilhlu a ni,
Aia upate zah thiam rawh
An hnial ngai lo aia ute,
Inngaitlawmin zawl dawh fo rawh;
An sual ngai lo aia ute,
I thangtha ang duap kaih fo rawh
Ruaitheha chaw kilhote hian
Bar hmasatu an ni ngai lo;
Upa berin a bar hma chuan,
Naupangin an bar khalh ngai lo.
Aia upa i biak dawnin,
Koh dan awmin kamtha hmang rawh;
Ka pi , Ka pu , Ka u tiin,
Ka nu, Ka pa, Ka ni emaw
Khawi-lo niha vah chhuahte hian,
Tar leh upate awl tum rawh;
Tanpui ngai awma an awm chuan,
Tlawmngai langin tanpui zel rawh
Pianpui u zawkte an zah ngai,
Chun leh zua dawl saisen teta;
U zawkin naute an dawm ngai,
Chu chu vanhnuai hringmi leng dan
Luang zel ang che Zoramah hian,
Rangkachak aiin i hlu zawk;
Cham reng ang che kan thinlungah
Thangthar nun dan zel timawi rawh.
Date | 22/03/2015 |
By | manuna |
Subject | zawhna |
hla thu hi a in ang lo deuh zauh zauh hlawm mai. ziah sual vang nge aw?