China rama company tam tak chuan Mizovin “Sap” kan tih mai khawthlang lam mi (vun var dik tak)-te hawh nan cheng tam tak sen an ui lem lo! Ni khat , chawlhkar khat , thla khat chuang thlengte pawh cheng tam tak sengin Chinese company thenkhat chuan khawthlang mi vun varho an hawn thin zuk nia!
Asia ram dang ang bawkin China ramah pawh hian khawthlang Sap-ho ngaihsanna a lian hle a, hetianga Sap dik takte an company tlangzarhna leh thil dang tihhona-a an lo lan hian, mi tam takin, “He company hian khawthlang lam mite hial a chhawr thei a / he company-ah hian khawthlang lam mite hian an phusa a , a hausa hle mai. Ram changkang leh thiltithei khawthlang lam mite nen inpawhna tha tak a nei a nih dawn hi...” tiin an ngaisang hle thin. Chuti chuan company thil tihna kawng engkimah hma a sawn phah thin a ni.
Thulakna: CNN