07.07.07 (July 7, 2007) - Lisbon, Portugal-a Khawvel Thilmak Pasarih (New 7 Wonders of the World) thlanna neihnaa thlan tlin The Colosseum or Roman Coliseum tlawhtute tan kum 2000 vel lai mipui hmuh lohva thup Collosseum lei hnuai pindan / kawng chu en phalna pek a ni tawh dawn.He lei hnuai pindan / kawng hi a hunlaia insual turte (gladiators) inpuahchahna leh mihring nen inbei tur sakawlh - keipui leh sakeite leh adt. riltam taka an khungna hmun a nih thu Rome Archaeology Superintendent Barbara Nazzaro chuan a sawi. He Collosseum lei hnuai pindan / kawng hi August 2010 atang en theih a ni ang.
The Colosseum / Roman Coliseum
The Colosseum or Roman Coliseum, originally the Flavian Amphitheatre (Latin: Amphitheatrum Flavium, Italian Anfiteatro Flavio or Colosseo) hi Italy ram , Rome khawpui laili taka awm ,Rome sorkar ropui laia ennawm chhuahna hmun a ni. Vespasian-a lal lai (AD 70 - 72)-a sak tan niin, Titus-a lal lai (AD 80)-a sak zawh a ni. He hmunah hian mihring leh mihring (gladiators) te , mihring leh sakawlhte insualtir an ni thin. Tin, he hmun hi Kristiante tihduhdahna hmun , Krista pasaltha tam takte martarna hmun a ni bawk.Tuarna a nasat poh leh hlim thawm a rik rinna hmun a ni!
He Colosseum hi chhawng 5 , 130 feet-a sang , mi 50,000 – 60,000 vel leng thei khawpa sang leh zau a ni (a hunlai / a thatlai chuan). Kum 1349-ah lirnghing nasa takin a sawichhiat nasat hle bakah, kum zabi 14-na atang khan a sakna lungte chu in sakna leh kawng siamna lung atan ruk a ni a. A lema kan hmuh ang hian a hmelhem nasa hle tawh a ni.
Tunah hian Italy sorkar leh thil hlui humhalhtu pawl hrang hrangten khawvel mi tam tak hiptu, Rome sorkar ropui tak leh a sipai chak zia lantirna a tana ding - The Colosseum or Roman Coliseum hi theihtawp chhuahin an humhalh reng a ni.
Thulakna : Wikipedia , CNN , Colosseum